Read full review
2020-11-14
1019 views
今日星期六,黎新開嘅海港薈飲茶。都幾多人等位,冇得網上攞位,等餐懵。一坐低屋企人就話張凳唔好坐,因為比較細張,飲茶張凳唔好坐真係死穴。啲茶幾好味,唔係有顏色水,真係有茶味,而且會用一枝蠟燭一路暖住,唔使飲凍茶。叫咗好幾樣點心,我認為最好食嘅係芝麻流心煎堆仔,煎堆好鬆脆,唔似其他酒樓嘅咁韌,芝麻亦都比較流心。其他嘅點心質素一般,釀茄子嘅茄子完全冇味,係靠外面啲汁,而且釀嘅肉比較少,感覺比較小氣。黑金流沙包質素麻麻,包一啲都唔香,食落去成舊粉咁樣,流沙餡亦都好普通。鮮竹卷都幾過分,個外皮完全冇炸過,似腐竹雞蛋糖水嘅腐竹,軟林林,裏面嘅餡料都唔紮實,非常鬆散。燒賣比較細粒,又係軟林林,完全冇彈性,係咪師傅唔記得撻啲豬肉餡?總括來講,環境幾開揚,但係就唔好坐。茶幾好飲,但係點心麻麻哋。
一坐低屋企人就話張凳唔好坐,因為比較細張,飲茶張凳唔好坐真係死穴。
啲茶幾好味,唔係有顏色水,真係有茶味,而且會用一枝蠟燭一路暖住,唔使飲凍茶。
叫咗好幾樣點心,我認為最好食嘅係芝麻流心煎堆仔,煎堆好鬆脆,唔似其他酒樓嘅咁韌,芝麻亦都比較流心。
其他嘅點心質素一般,釀茄子嘅茄子完全冇味,係靠外面啲汁,而且釀嘅肉比較少,感覺比較小氣。
黑金流沙包質素麻麻,包一啲都唔香,食落去成舊粉咁樣,流沙餡亦都好普通。
鮮竹卷都幾過分,個外皮完全冇炸過,似腐竹雞蛋糖水嘅腐竹,軟林林,裏面嘅餡料都唔紮實,非常鬆散。
燒賣比較細粒,又係軟林林,完全冇彈性,係咪師傅唔記得撻啲豬肉餡?
總括來講,環境幾開揚,但係就唔好坐。茶幾好飲,但係點心麻麻哋。
Post