Video
Read full review
2019-08-29
3294 views
喺外國生活慣左得閒就去Low Tea，返到香港就成日好想食下小食嘆下靚茶。睇睇下食評就搵到呢間餐廳，見到食評都幾多好評所以就諗着試下。環境唔差，都幾好坐，都適合同friend坐低傾謁嘆茶。我揀左DALLOYAU Darjeeling而我朋友就飲La Vie en Rose，啲茶就幾香同都幾好飲下💓其實個set入面好多法式咸點都唔差，但係佢有個大缺點——就係佢無好好咁控制溫度。真心佢啲咸點唔好話熱，根本一啲都唔暖。其實啲味道唔差，但係如果熱嘅話會更好味（尤其是經典烤芝士火腿三文治，佢啲芝士凍晒變左做固體，如果溶左嘅話會好好味）。我對於呢道嘅甜品興趣不大，除左朱古力味嘅甜品（經典歌劇院蛋糕同朱古力泡芙）之外，唔係太甜就係太酸⋯Scones冇乜牛油味，焗得唔夠香又唔熱。士多啤梨醬太酸同埋啲Clotted Cream啲奶味唔夠重。然後唔可以唔提嘅係店員精彩嘅服務態度👏🏻首先全部店員都好似唔想理你咁，飲完壺茶想添熱水等左10幾分鐘先有人理你（非繁忙時段，成間舖頭得兩枱客）。諗着埋單走嗰陣得返我地一枱客，我地比完錢之後未企起身啲店員就熄晒燈，好似趕客走咁🤷🏻♀️因為我地走嗰陣係下午5點幾，所以本身
睇睇下食評就搵到呢間餐廳，見到食評都幾多好評所以就諗着試下。
環境唔差，都幾好坐，都適合同friend坐低傾謁嘆茶。
經典下午茶
$536
101 views
0 likes
0 comments
我揀左DALLOYAU Darjeeling而我朋友就飲La Vie en Rose，啲茶就幾香同都幾好飲下💓
其實個set入面好多法式咸點都唔差，但係佢有個大缺點——就係佢無好好咁控制溫度。真心佢啲咸點唔好話熱，根本一啲都唔暖。其實啲味道唔差，但係如果熱嘅話會更好味（尤其是經典烤芝士火腿三文治，佢啲芝士凍晒變左做固體，如果溶左嘅話會好好味）。
我對於呢道嘅甜品興趣不大，除左朱古力味嘅甜品（經典歌劇院蛋糕同朱古力泡芙）之外，唔係太甜就係太酸⋯Scones冇乜牛油味，焗得唔夠香又唔熱。士多啤梨醬太酸同埋啲Clotted Cream啲奶味唔夠重。
然後唔可以唔提嘅係店員精彩嘅服務態度👏🏻首先全部店員都好似唔想理你咁，飲完壺茶想添熱水等左10幾分鐘先有人理你（非繁忙時段，成間舖頭得兩枱客）。諗着埋單走嗰陣得返我地一枱客，我地比完錢之後未企起身啲店員就熄晒燈，好似趕客走咁🤷🏻♀️因為我地走嗰陣係下午5點幾，所以本身諗緊佢地係咪有中場休息時間我地阻住佢地收工所以店員不爽趕客，然後睇一睇營業時間⋯9:30-22:30‼️OK Fine🤷🏻♀️
總括而言，如果想坐低嘆下靚茶同食下小食過口癮係ok嘅，但係要忍受啲店員嘅服務態度。
Post
