Video
Read full review
2015-09-11
3361 views
川善茶居自開店以嚟就享負盛名。可惜每次都因為人太多食唔切或者已經係關門時分。難得友人有半日假，小妹都襯住空檔時間嚟個下午茶探秘XD打開門就被傳統中國風裝修吸引。宮廷式設計，木架陳列住各式擺設，中式茶壺茶杯、不同大小蒸籠、形狀口味不一茶餅…果然係茶居！美中不足嘅係彌漫於空氣中嘅唔係茶香或者蛋糕香氣而係一陣陣食物味道，而且廚房及收銀處多少有點兒凌亂。不過摸到可愛毛軟軟而且仲會友善主動靠近嘅貓咪，又為是次體驗加唔少分。Hojicha Hot Chocolate焙茶同朱古力意想唔到地夾! 望住飲品上經烤焗過嘅綿花糖，別緻。再細呷一口朱古力，會發現焙茶焦香令輕甜朱古力層次更多變。但另一方面，小妹又覺得朱古力同茶味都相對薄弱，如果將濃度提升味道或會更好。Matcha Genmaicha Marone經店員介紹得知由玄米茶、抹茶再配上少量栗子碎（本身小妹以為係玄米XD）製成嘅熱飲。心目中預計應有嘅抹茶濃香及玄米特有嘅焦香就未喺呢杯飲品上面完全發揮。飲品屬於淡口味。Earl Grey Angel Cake蛋糕口感鬆軟，非常輕盈。即使蛋糕已吞下，但香味於口中仍有餘韻，非常回味！友人提到蛋糕上的忌廉有淡淡
可惜每次都因為人太多食唔切或者已經係關門時分。難得友人有半日假，小妹都襯住空檔時間嚟個下午茶探秘XD
打開門就被傳統中國風裝修吸引。宮廷式設計，木架陳列住各式擺設，中式茶壺茶杯、不同大小蒸籠、形狀口味不一茶餅…果然係茶居！美中不足嘅係彌漫於空氣中嘅唔係茶香或者蛋糕香氣而係一陣陣食物味道，而且廚房及收銀處多少有點兒凌亂。不過摸到可愛毛軟軟而且仲會友善主動靠近嘅貓咪，又為是次體驗加唔少分。
Hojicha Hot Chocolate
焙茶同朱古力意想唔到地夾! 望住飲品上經烤焗過嘅綿花糖，別緻。再細呷一口朱古力，會發現焙茶焦香令輕甜朱古力層次更多變。但另一方面，小妹又覺得朱古力同茶味都相對薄弱，如果將濃度提升味道或會更好。
Matcha Genmaicha Marone
經店員介紹得知由玄米茶、抹茶再配上少量栗子碎（本身小妹以為係玄米XD）製成嘅熱飲。心目中預計應有嘅抹茶濃香及玄米特有嘅焦香就未喺呢杯飲品上面完全發揮。飲品屬於淡口味。
Earl Grey Angel Cake
蛋糕口感鬆軟，非常輕盈。即使蛋糕已吞下，但香味於口中仍有餘韻，非常回味！友人提到蛋糕上的忌廉有淡淡檸檬香，又更添一種清新感。而當中少量嘅玫瑰花瓣亦為本身偏白嘅蛋糕有住不可多得嘅點綴作用。小妹同友人都喜歡呢款天使蛋糕。
Earl Grey Angel Cake
115 views
3 likes
0 comments
相對天使蛋糕，呢款Cheese Cake 略為遜色。抹茶同Cream Cheese嘅味道都未太突出。茶味回甘或者Cream Cheese嘅後勁亦不夠天使蛋糕的程度高。可取嘅係整體質感以及餅底酥軟。蛋糕上的輕甜蛋白霜有特色之餘亦有解膩作用。
Sizzling Match Brownie川善茶居知名代表作。由淋上濃厚抹茶醬汁喺鐵板嘅時候就知道，呢一個係非常明智嘅決定。滋滋炸炸嘅聲音之中，一陣陣抹茶香氣迎面襲來。相對一般Brownie 質感比較偏乾身，以及特色地配上接近原粒狀夏威夷果仁。但配搭上熱辣辣抹茶醬，甘苦之中又伴隨住甜甜的綠茶Brownie，整體非常平衡。加上雪糕與Brownie之間帶少少果仁碎，有層次。遺憾係，所用嘅Vanilla雪糕口味似乎不太像真。但整體屬不錯。
Other Info. :
貓貓貓貓貓貓貓咪咪咪把小妹的心溶化了~~~
(The above review is the personal opinion of a user which does not represent OpenRice's point of view.)
Post
