淥鼎記

Open Now

Now Closed

早幾星期先至同鄰居夜晚打完邊爐，估唔到屋企人話飲茶又揀咗呢一間。整好一個機會試埋佢個茶市。一入到嚟都幾驚訝，竟然全場爆滿，仲有客晏晝都嗌雞煲同埋水煮魚。不過呢啲夜晚打邊爐都有得食，今日就主力試點心。落單到到點心嚟嘅時間都唔算長，先上咗個豬手粒，呢個好入味又醒胃。雖然等到嘅時間唔長，但係值得讚就有啲點心真係熱辣辣，比起出邊好多酒樓嚟講，依度真係做得相當出色，夠熱呢樣嘢已經加好多分。整體上所有鹹點都好食。不過個花膠鮮竹卷就得一塊花膠仔，俾我手快食咗。如果每條鮮竹卷跟返一塊仔咁就好似好分啲。另外佢都有刺身，不過屋企人唔食生嘢，所以就冇叫啦。不過就嗌咗兩杯嘢飲，我就飲咗個恐龍蛋，好濃好好飲。嗰粒恐龍冰，都好有朱古力味。唔知係咪濃得滯，之後食啲甜品就覺得唔算太甜。不過整體嚟講，係值得encore嘅。