茶狼 (Closed)

今日去到茶狼灣仔呢間分店飾最近香港都好追捧嘅奶蓋茶。我經過嘅時候啱啱過咗食飯時間，所以人唔算多，排咗大約10分鐘左右已經有茶到手。我飲嘅係碳焙烏龍奶蓋茶，正常甜度。先講個茶，茶底唔係好濃嘅茶味，反而甜味就太重，冇嗌少甜嘅話，對我來講真係太甜太甜而奶蓋嘅分量唔算多，亦唔係好濃郁嘅芝士味，淡淡地，無乜特別。茶嘅甜味亦都蓋過左芝士奶蓋嘅味道，下次真係應該叫少甜一杯$30，價錢都算ok，唔太貴！