春風三月 (Closed)

黎開元朗食千色附近食完LUNCH,行過見到呢間春風三月都幾多人排,之前係網上見到佢宣傳已經想試架喇,今次咁順便就排隊試下啦!排隊加埋拎野飲大約15-20分鐘左右..Order左超級珍珠奶茶 同 月貴妃加桂花珍珠~月貴妃其實姐係荔枝綠茶,佢係直頭有個茶包係杯入面架,好特別~呢款茶清清地,係元朗咁熱真係岩哂,好解渴!反而桂花珍珠有驚喜, 口感煙煙UN UN, 有淡淡既桂花味,唔會太甜,推介!朋友飲個杯超級珍珠奶茶茶底係比較濃郁,珍珠係充滿黑糖味~本人好鍾意食珍珠,呢間有好多出面冇既口味.例如玫瑰珍珠,Bailey’s珍珠,火龍果珍珠等等.下次可以試埋!