TeaWood Deluxe (Closed)

一向都知道茶木係食台灣野嘅，近期就係朋友口中知道新開左間Teawood Deluxe,一向鍾意試新野俾我，就約埋朋友一齊去試啦。一入到鋪頭就發現，呢間餐廳同一般嘅茶木裝修有啲唔同，原來呢間係茶木crossover陀飛輪品牌鐘錶嘅西餐廳，所以裝修融入左鐘錶元素，好典雅。食物方面：我地點左燒加拿大骨豬鞍扒，雖然係燒，但係仲保持到肉汁鮮嫩，唔會太乾，塊扒既面積仲要幾大下添。威士忌干炒三杯雞，侍應會將三杯界線上枱，然後倒入威士忌，再將兩樣嘢撈勻，雖然加入左威士忌，但係食落唔會有太大酒嘅濃烈，雞皮有燒香味，雞肉保持到水份。燒鰻魚西班牙橡果豬肉燥義式燉飯，最出色係個飯，醬汁同個飯完全混合左，再加上肉燥，食落好有質感，實在停唔到口。