唐記包點 (港鐵葵芳站)

Open Now

Now Closed

星期日約咗朋友係葵芳行街，行到攰攰哋原本打算去飲茶食點心，但間間茶樓都勁多人等位，最終就決定去唐記買外賣點心上朋友屋企慢慢歎。下晝2點幾，唔算多人排隊，而且啲職員都好快手，唔洗點等。我哋首先叫咗香芋包同菜肉包，番到屋企個包都仲係熱辣辣，麵包皮夠鬆軟，而餡料亦都算足料。點心方面，我哋叫咗燒賣同雞扎，質素比起好多酒樓有過之而無不及。 另外我也叫咗糯米雞，朋友就叫咗鳳爪排骨飯。糯米雞有驚喜，入面竟然有嚿叉燒，估唔到呢個配搭都幾好味。如果大家想飲茶食點心又唔想同人迫嘅話，唐記係唔錯嘅選擇。