幸亭拉麵 (Closed)

某日行過，見到原先既後巷茶檔變左拉麵店，好奇之下，又坐底試試這裡如何。以前茶檔係要全部全係巷仔，而家拉麵店內都有四五個位，唔想坐巷仔既朋友又或者天時熱既時候都可以坐店入面食。要個御品豚骨拉麵同餃子，原先想加隻蛋，店員表示麵會跟半隻，先試半隻試試水準如何都好。麵先到，湯底幾熱下，雖然未係萬豚屋果隻會燙脷既熱度，不過呢個都真係幾熱，飲落濃郁，不過唔會成口都係油，這款湯頭係我喜歡既一款。麵條煮得剛好，都幾彈牙，舊叉燒好似煮得過左火，有點韌，蛋就都可以叫做食得過。另點既餃子，非一般正常SIZE，幾大隻，還要爆餡，皮厚身，不過煎得金黃幾脆身，幾唔錯。埋單八十八，好意頭。