中村藤吉香港店 (Closed)

在1 個月前，我走到金鐘太古廣場 <中村藤吉香港店>，見到推出茶系列月餅：丸十奶皇月餅！除了幫媽咪買茶葉之餘，順便買張月餅劵！由於，領取期有限期，加上要去尖沙咀食晚飯，為方便起見，我走到尖沙咀美麗華商場 <中村藤吉香港店> 分店領取！去之前，先看看確實地址，並睇一睇後期的食評，提及到服務態度差！起碼我都預咗有心理準備，純粹領取月餅不幫襯，可能會有同樣遭遇呢！好可能女店員見我在店前用相機又用手機影相，服務態度比預期，出奇地好喎！除了開盒讓我確認月餅盒內每件月餅及茶包齊全，又清楚講明什麼口味！然後，便把月餅盒放入紙袋！多謝幫襯！丸十奶皇月餅 $198一盒4件：2件抺茶月餅及2件焙茶月餅，附上抺茶葉及焙茶葉各一大包！抺茶月餅混合抺茶，入口甜味適中，抺茶甘醇，兩者口味平衡，食落的確無咁甜膩！焙茶月餅至於，焙茶月餅的焙茶在製作過程中，多了烘焙工序，令本身茶味更突出，比起前者抺茶月餅，茶味更濃郁！先嚐到甜度恰到好處，茶味慢慢滲出及回甘！美中不足的是月餅皮易鬆散，不小心用手指頭碰到，都會跌落嚟！亦比預期細個！ 見到盒底才得知是 A1 Bakery 出品！