茶茶GO (Closed)

同幾個朋友銅鑼灣食完飯打算行去灣仔碼頭搭船去尖沙咀，行到中途口癮起想搵野飲，所以去左就近茶茶Go買～4個人分別嗌左4杯唔同野飲，以下綜合我地對各自野飲既感想～😎🥤 草莓芝士舞霜（健康甜）$38頂層係芝士奶蓋，下層係加冰打成既士多啤梨冰沙，所以無得少冰的。飲落有士多啤梨果肉，芝士奶蓋行清新路線，有芝士香味得黎唔會話太過膩口，會覺得飲多d都得😝😝 撈埋落士多啤梨底味道唔錯～ 不過健康甜都略為甜左少少。🥤 蘇芳紅果芝士芒芒（健康甜）$38都係芝士舞霜系列～ 呢杯係用紅肉火龍果加上芒果配搭而成既！ 一層一層，打卡一流🥳 夠晒大杯，好多芒果肉，加埋上面既芝士奶蓋，飲完都幾飽😋 不過同樣健康甜都略為甜左少少。🥤 夏夜白桃烏龍 （凍飲、微冰、健康甜） $29呢杯飲起上黎比較清新，聞落去陣白桃味好出、好香～ 岩晒食飽左既話refresh下個人👍🏻 要讚微冰的確夠「微」，因為實在試過其他野飲鋪微冰完仲係超多冰。🥤 松印桂花烏龍加芋圓 （凍飲、微冰、無糖） $35有淡淡既桂花香味，唔會太搶走茶味，額外加左$6要左芋圓🤣，分量唔少，飲上去啖啖都有～整體上茶茶Go唔錯，野飲選擇唔少，野飲夠大杯，對於當刻口喝