茶茶台式料理 (Closed)

今晚食"自己", 食一間同我一樣名既餐廳xD. 呢度除左一般既台式野食，仲有臭臭鍋，點餐就用QR code.✨麻醬手撕雞撈面：個麵麻醬味唔算濃但反而麻油味幾香，鍾意佢個麵質夠煙煙韌韌，加上手撕雞同埋芫茜好香好好食。✨奶蓋茶茶8號：呢杯真係超好飲，茶味好香，奶蓋又香又滑，好想一飲再飲。✨香煎雞扒滷肉飯：雞扒皮煎得微微脆又啖啖肉， 滷肉偏瘦但幾入味，飯仲係珍珠米。✨蟹柳肉鬆蛋餅： 皮薄得黎幾有彈性，加上面頭甜甜酸酸既醬汁同埋熱辣辣既肉鬆蟹柳饀，味道豐富好好食。