王萍記茶餐廳 (Closed)

睇番以往寫過嘅茶記，忽然發覺冇咗王萍記嘅縱影，奇怪...於是為咗呢個補寫，今日又再嚟多次...自從年幾兩年前開始食佢哋嘅XO醬豬扒及雞扒飯後，大大話話都幫襯過不下十數次...好奇怪。一時水準一流--- 豬扒醃得味之餘，亦夠大件頭，且皮脆肉嫩，雞扒亦然；自製XO醬有濃濃嘅蒜頭及蝦米香，淨係攞嚟撈飯已係上品...但一時又難食得可以--- 豬扒瘦得可以，凍冰冰；雞扒完全冇醃過，質地"鞋"sup sup，有雪味；XO醬一時有咲焦味...咁究竟即係好唔好食呢?難明...但我只知，今次食嘅就係劣品嘞...