中環茶記 (Closed)

等個好耐無見嘅朋友放工之後，一齊係中環食飯，我地隨便行左陣就入左來呢度。呢間餐廳主題係近期好興嘅懷舊港式冰室，裡面有好多懷舊風嘅海報。我同朋友都好肚餓，大家都想食飽D，所以朋友叫左呢度嘅皇牌雜扒，而我就食呢度都出名嘅焗豬排飯(轉意粉)皇牌雜扒非常大份，有豬扒、牛扒、雞扒、煙肉、腸仔、薯條，簡直係食肉獸必點，仲有幾款醬汁可以選，包括有黑椒、燒汁、茄汁。幾種扒嘅肉質大致上都幾嫩滑，肉汁都多，唔會太乾。不過一個人食真係幾heavy，可以叫來同朋友share。招牌豬扒飯（轉左意粉）厚切嘅豬扒用左秘製調味料醃製，再用高溫煎焗。焗出來嘅豬扒幾鮮嫩多汁、肉質都頗鬆軟，大大塊，十分飽肚！凍奶茶嘅奶味、茶味同樣濃郁！