四寶食堂 (Closed)

咁岩去開旺角想平平哋食個茶餐廳，見到呢間門面幾光猛，就入咗去。午市餐牌有午餐，選擇約五至六款。炒粉麵有三款選擇。下午1:30去到炒粉麵只剩返一款，就叫做瑞士汁炒牛河$88。另外仲有少量選擇，揀咗皇室咖喱牛肋肉飯$68。仲有經典常餐揀咗沙嗲牛肉出前一丁配多士及煎熟蛋$59。見到有奶油豬$25叫咗一份。奶油豬麵包好特別，軟綿綿面上有奶油。一份有兩件。瑞士汁炒牛河夠大碟夠深色。咖喱牛肋肉飯飯量多，微辣咖喱。常餐沙嗲出前一丁鹹鹹地另外麻油比你自己落。多士香脆，仲有煎熟蛋。飲品叫咗熱柑桔轉，夠晒味道。凍檸檬利賓納酸酸甜甜。