金裝燉奶佬餐廳 (華都商場) (Closed)

天氣明顯轉涼，凍凍地就最適合打邊爐。食連鎖嘅邊爐食到厭，就試下燉奶佬嘅邊爐。邊爐選擇有牛同雞，湯底就有三款，選擇其實唔算多。不過吸引我去食嘅原因係佢有喇沙湯底。價錢就同大家X差唔多，但食落先知抵唔抵。 呢度嘅配料係一籃子咁上，亦都冇得自己調校醬汁，呢兩方面就比其他食店遜色。材料有牛肉、兩粒魚蛋、蔬菜、豆卜、蟹柳、米線。材料嘅款式同分量都比較少。人地有嘅，佢冇，人地冇嘅，佢都冇。打邊爐好講肉質，呢度啲牛肉切得太厚，煮嘅時間難掌握，一係就唔熟，一係就太韌。成個鍋嘅可取之處就係個喇沙湯底好香，加埋啲米線一齊去煮，米線吸曬d精華。