龍城冰室

Open Now

Now Closed

茶記無論去到邊都總係香港最好食。 今日同朋友一齊黎龍城食飯。 佢好一段日子冇食過茶記，話去過好多唔同地方始終都係香港先係個回事。 其他地方食既已變左名物，但只有香港先食到街坊既味道。 講得好似幾深奧，不過我鍾意食就係啦。坐底就叫左杯凍咸檸七先。 佢呢間既咸檸都幾唔錯，堅大粒又好有味，配埋七喜好好味。 我就叫左杯熱檸茶先，佢個杯底唔澀，仲有得簡濃同淡。 朋友話見到個流心芝士西多好想試，講真咸西多我都未食過，所以就試下先。 唔講得少，佢都幾大份，切開真係勁多芝士流出黎，配埋糖醬，咸咸地又冇咁漏，真係幾好食。 跟住再叫個粟米吉列豬扒跟薯菜，嘩超大份，仲要炸到脆得黎唔會乾柴。 而個焗薯超好食，入面好熱好軟好甜，加埋佢既醬真係想食多個添呀。 食完呢餐我同朋友都超滿意，都話香港食茶記先夠盡慶。