走杯 (Closed)

✨欣澳蜜柑桔（$29）呢杯由柑桔、蜜糖、綠茶組成既茶飲，非常之開胃，口感飲落去好清新，鹹話梅越浸得耐味道就越出，味道層次會因應時間而改變。✨萊姆洛神花加奶蓋加芋圓（$26+5+5）一向都好喜歡飲洛神花茶，因為很酸甜開胃，配料方面加咗芋圓來嘗試，芋圓很有嚼口細細粒吸起來很方便，呢杯本身冇奶蓋可以加，但本人很喜歡奶蓋，就另外加錢叫店員加比我，奶蓋好味但係同呢杯既味道不太夾😆✨濃情物語（$42）係我飲過最好飲和最濃郁既朱古力茶飲，而且係第二度係飲唔到既味道。選用咗100%可可粉、75%黑朱古力、法國淡奶油、玉桂條和自家製茶葉。特制出味道獨特的朱古力漿，微燻焦糖味給人有一種先苦後甜的味道，係冬天完全可以感受到甜甜的幸福。呢杯真係超級推薦！我好欣賞呢個品牌支持環保，為環保出一份力而創立咗呢個品牌，所以個名都叫「走杯」。佢地既茶飲都主打健康、低糖、天然材料，鐘意養生或者健康人士，真係唔好錯過呢個品牌。