茶餐廳2.0 (Closed)

建議：除左黃大仙外，仲有荃灣、大埔店💛有次碌艾豬發現有間餐廳，有堂食雞蛋仔 🤣 今日去開黃大仙，就順便去睇下有咩食。間餐廳位置離黃大仙中心有少少距離，係現崇山商場地下。個名叫茶餐廳2.0，本身抱住 #茶記控 既心態去試伏。但睇完餐牌發現食既其實一啲都唔茶記，反而係西餐廳😌今次試左：▫️懷舊鐵板餐 招牌雜扒 (HK$108)🍗雜扒包括：蝦、豬/牛/雞扒、法蘭克福腸、火腿落完單，主食大概10分鐘已經到。店員仲好好甘，主動拎多一隻碟黎，仲話：比多隻碟你好似方便啲👍雖然話係鐵板餐，不過倒汁個時，就無 #肉控 最期待既肉汁吱吱聲。因為底板似係一層雲石，主要應該係保溫。食到最後個塊雞扒🐔，都仲好夠熱。三款扒既味道都中規中矩，肉質方面 牛>豬>雞，雞扒有少少嚡。另外蝦睇落都幾大隻，不過肉質就一般，一切開就散開。食完之後，發現個餐原來仲有甜品🤣 真係估唔到連甜品都有。甜品係兩粒忌廉泡芙，凍凍地清下啲油膩感都好 😌全份食完真係好飽，一個扒餐除左肉量同份量都超足 👍 包括：餐湯、餐包(原塊丹麥多士)、主食、飲品 仲有甜品。BTW，點解睇左甘耐都無講雞蛋仔？！🤪 話說入座後，發現餐牌上面寫住雞