Video
Read full review
2011-06-24
9 views
又係完咗崇拜落去花園街搵食嘅時候，原意係去麵留香，但太多人，試咗隔離鋪嘅「台灣美食」，門口招牌標榜健康地道，風味正宗，就試吓佢係唔係先！之不過，大部份都係油炸嘢，真係好難同健康二字掛鉤喎！唯一解說，可能佢哋用啲優質芥花油嚟炸，相對叫健康啦！長型小店，為求晌太子依類租金昂貴地鋪爭多啲生意，枱排得密啲都係慣常現象；牆身下半截鋪以鮮黃加白細細粒磁磚，頗醒目搶眼；上半截就掛咗唔同嘅台灣小食相，多少都刺激吓大家嘅視覺，吸引你叫番多個台式小食。仲裝有大電視，可以睇吓新聞都好。始終套餐計落抵食啲，近60款套餐選擇，都總有一款啱你口味，包一杯$18以下飲品，同樣可選擇嘅都唔少，又有近30款，價錢由$29-$44，所以，晌滿是茶餐廳嘅花園街，台灣美食算係提供另一系嘢食嘅選擇，唔使吓吓都係炒粉飯麵，奶茶咖啡！鹽酥雞球肉燥飯依個係朋友點嘅，試咗佢少少鹽酥雞球，無咩特別，唔差又無話好食，粉漿有啲厚，但就炸得很酥香，肉質算係嫩口唔嚡。值得一提嘅係，份量都幾多吓，大大個碗所裝嘅飯已經唔少，鹽酥雞球唔係三幾粒，而係有成一大堆，加埋肉燥、椰菜，睇落幾豐富。吉列豬扒肉燥飯小弟就要咗個吉列豬扒肉燥，塊吉列豬扒唔會好似啲大
長型小店，為求晌太子依類租金昂貴地鋪爭多啲生意，枱排得密啲都係慣常現象；牆身下半截鋪以鮮黃加白細細粒磁磚，頗醒目搶眼；上半截就掛咗唔同嘅台灣小食相，多少都刺激吓大家嘅視覺，吸引你叫番多個台式小食。仲裝有大電視，可以睇吓新聞都好。
始終套餐計落抵食啲，近60款套餐選擇，都總有一款啱你口味，包一杯$18以下飲品，同樣可選擇嘅都唔少，又有近30款，價錢由$29-$44，所以，晌滿是茶餐廳嘅花園街，台灣美食算係提供另一系嘢食嘅選擇，唔使吓吓都係炒粉飯麵，奶茶咖啡！
鹽酥雞球肉燥飯依個係朋友點嘅，試咗佢少少鹽酥雞球，無咩特別，唔差又無話好食，粉漿有啲厚，但就炸得很酥香，肉質算係嫩口唔嚡。值得一提嘅係，份量都幾多吓，大大個碗所裝嘅飯已經唔少，鹽酥雞球唔係三幾粒，而係有成一大堆，加埋肉燥、椰菜，睇落幾豐富。
吉列豬扒肉燥飯小弟就要咗個吉列豬扒肉燥，塊吉列豬扒唔會好似啲大雞扒咁巨，相對啲日式炸豬扒，佢就比較薄身，炸後打直一開二，同樣粉漿有啲厚，肉質都腍滑多汁；肉燥幾香濃，撈飯就至啱。
木瓜珍珠奶茶餐飲都盡量揀番$18嘅台式飲品，個木瓜珍珠奶茶嘅茶味比較薄，反而幾有木瓜味，不過偏甜，杯中仲有黑珍珠粒，同埋一啲好似芒果布甸嘅粒粒，雖然口感都幾得意，但味道麻麻啫！
Post
