Video
Read full review
2013-09-09
622 views
晚上八時的星期六, 難搵位食飯, 行經九龍公園對面, 這間茶餐廳格局的泰國式食店, 竟然只有半滿食客, 真是喜憂交集, 喜就當然是有吉位可坐, 憂就梗係假期前的晚上, 還只是食客三兩丁, 唔知係未食物質素有問題呢?總之, 人多就怕排隊, 人少又怕唔好食, 心想, 好似我咁既消費者就真係零捨麻煩.有二人套餐提供, 海南雞(例牌), 炸蝦餅, 腩肉芥蘭, 兩油飯, 兩飲品, 收$180. (如果散叫的價值: $56+56+50+11*2+15*2= $214), 但我們都係選擇了散叫, 因為太想食酸辣鳳爪了…. (食完了才想起, 其實應該問一問, 套餐可唔可以將腩肉芥蘭轉為酸辣鳳爪)炸蝦餅, $56, 份量不少, 三件大蝦餅切半, 剛炸出來, 熱度十足, 外皮些少微微脆口, 內部質感彈牙, 但蝦肉的口感和味道不夠, 然而, 點酸甜醬入口, 仍算上佳.海南雞飯 $42, 只需加$5, 便可以轉雞脾, 但友人與我皆不好雞脾部位, 雞皮略厚, 但仍然爽口, 雞肉尚算滑, 但不算太有雞味, 這是一般的共有現象, 無投訴啦, 而且份量足, 以碟頭飯而言, 不算少雞了, 相比起山林道那間海南雞飯名店,
有二人套餐提供, 海南雞(例牌), 炸蝦餅, 腩肉芥蘭, 兩油飯, 兩飲品, 收$180. (如果散叫的價值: $56+56+50+11*2+15*2= $214), 但我們都係選擇了散叫, 因為太想食酸辣鳳爪了…. (食完了才想起, 其實應該問一問, 套餐可唔可以將腩肉芥蘭轉為酸辣鳳爪)
炸蝦餅, $56, 份量不少, 三件大蝦餅切半, 剛炸出來, 熱度十足, 外皮些少微微脆口, 內部質感彈牙, 但蝦肉的口感和味道不夠, 然而, 點酸甜醬入口, 仍算上佳.
海南雞飯 $42, 只需加$5, 便可以轉雞脾, 但友人與我皆不好雞脾部位, 雞皮略厚, 但仍然爽口, 雞肉尚算滑, 但不算太有雞味, 這是一般的共有現象, 無投訴啦, 而且份量足, 以碟頭飯而言, 不算少雞了, 相比起山林道那間海南雞飯名店, 這間算有良心喇,
唯一是醬汁不太滿意, 只有兩味醬汁, 沒有薑容, 泰式酸辣汁, 有酸味, 辣味不足, 另一款甜醬油, 完全不合心水, 調得過希, 味道不夠甜, 好似在家中自製的沙糖溝豉油.
酸辣鳳爪, $58, 酸度適中, 辣味偏高, 鳳爪皮十分爽口, 伴以洋蔥和生蔥入口, 十分滿意.
泰象啤, 在泰國十分出名, 佔半數市場, 但香港的貨就唔知係未由泰國入口了, 好似係嘉士伯旗下既品牌,上檯時, 手上感覺, 雪得極凍, 唯隻杯沒有雪過, 口入仍然透心涼, 大枝只收 $25, 抵啦.
Post
