茶餐廳2.0 (Closed)

🔸冬蔭功湯 $78🔸泰式拼盤 $108🔸肉碎生菜包 $68🔸泰國椰青 $34-今晚約咗朋友去佢屋企附近搵食，嚟到呢間茶餐廳2.0，個名又幾特別喎，茶餐廳又點做到2.0 version呢？原來真係幾犀利地喎，細細間嘅餐廳提供咗中西式美食，出乎意料之外仲有泰式喎！😱Menu寫住係正宗泰菜，梗係要試試佢啦！叫咗份泰式拼盤，有酸辣鳳爪沙律、炸得好香脆嘅蝦餅、包咗雜菜嘅泰式春卷、烤雞牛串燒，點埋沙嗲醬超香超好味😋 肉碎生菜包係炒得好香嘅豬肉碎，味道好夠辣，用生菜包住食超惹味呢！最後仲有酸辣嘅冬蔭功湯，入面仲有幾隻蝦㗎，同埋食泰菜唔少得嘅椰青啊，超滿足！