發哥粥底海鮮火鍋 (Closed)

今日接太太放工，搵咗一間食火鍋嘅茶餐廳，日頭係茶餐廳夜晚變火鍋店。裝修都幾得意，卡位兩個人坐得好舒服。叫咗個海鮮套餐，先上咗個青口小食，好惹味，仲有一個燉湯，然後就上咗個海鮮拼盤，好多唔同嘅海鮮，好新鮮同樣樣都有啲，龍蝦仲有膏。除咗好多海鮮，仲可以選多八樣火鍋料，好多配料可以選擇，我哋都係揀啲比較標準嘅，例如牛肉，蝦滑，墨魚滑，等等。唔係太特別，不過真係唔差。食到最後，夥計仲幫我地煮咗個海鮮粥。好飽。真係好抵食，最緊要係啲食材真係好新鮮，服務又好。