茶咖里

Open Now

Now Closed

響西營盤正街大斜路有條巷仔，盡頭有間茶檔小店，店內店外裝修都好港式，簷蓬下的摺枱鐵櫈，懷舊之中餐牌又幾創新，除了各式各樣港式茶餐廳選項，還有全日早餐等Cafe食物，中西合璧。① 英式炒蛋配長多士 $58② 芝士火腿奄列配班戟 $68③ 班尼迪蛋配鬆餅 $78朋友就是為了All-Day Breakfast慕名而來，於是點了三款，除了蛋跟包不一樣，都有白肉腸，煙肉，茄汁豆，蘑菇，小番茄及沙律菜。賣相豐富，食材普通，煙肉唔會太肥，蘑菇有醃香過，都算有誠意。炒蛋夠滑是重點，烘過的長多士微脆，簡單又好味。芝士火腿奄列夠大份，有蛋汁唔會過熟，不過3塊班戟就熟左少少，唔夠軟綿。班尼迪蛋有流心但唔夠流，應該是稍微過熟，鬆餅口感有點煙韌。④ 香草番茄牛腩意粉 $68老闆力推是日午餐，牛腩夠腍，少少入口融化的感覺，至於香草番茄汁普普通通，配意粉可以，同牛腩就分開比較好。每款主食加配凍飲加$4，配椰汁紅豆冰加$8，不過我覺得紅豆冰有點偏淡。