Video
Read full review
2017-07-03
230 views
黑布街和白布街有多吸引食肆，經過門口見環境好韓式，唔熱坐係出面都幾好feel，裡面裝修用上動畫的concept幾新鮮，色彩鮮艷，十分醒神，所以就吸引咗我地入去。原來有兩層，樓上都幾闊落，有小屋子，可以有D privacy，也有大枱適合一大班人坐。拼盤大($138)有迷你辣魚餅、蜜糖雞翼、雞肉丸、炸薯條，雞肉丸肉質扎實，唔錯，雞翼咸左少少。嚐辣的朋友一定要試下水牛城雞翼($88/ 9隻)，好惹味，柚子沙律又好清新。估唔到連炸魚薯條($78)都有，可以一試。冰極牛扒($88)用白煙襯托，好迷幻。用上牛型鐵板上，感覺很是港式扒餐。牛扒係朱古力面加士多啤梨底，好搞笑！伴焦糖香蕉好似薯條，附西多士，配雪糕食，口感不錯。雪糕港式奶醬吐司山($68)都好地道，似茶餐廳的奶醬多，金黃色的厚身多士十分香脆，加vanilla雪糕和鮮忌廉係新fusion菜，味道不錯！好似係腸粉($58)，十分creative，用的紙、銀盤和竹簽，9成像真。原來係豆腐雪糕、椰汁腸粉和炸丸子，拌菠蘿和士多啤梨片。腸粉好滑呀，豆腐雪糕味濃。除左港式fusion dessert，仲有日式紫薯窩夫($78)係我的最愛，用上大塊的木板
原來有兩層，樓上都幾闊落，有小屋子，可以有D privacy，也有大枱適合一大班人坐。
拼盤大($138)有迷你辣魚餅、蜜糖雞翼、雞肉丸、炸薯條，雞肉丸肉質扎實，唔錯，雞翼咸左少少。
嚐辣的朋友一定要試下水牛城雞翼($88/ 9隻)，好惹味，柚子沙律又好清新。
估唔到連炸魚薯條($78)都有，可以一試。
冰極牛扒($88)用白煙襯托，好迷幻。用上牛型鐵板上，感覺很是港式扒餐。牛扒係朱古力面加士多啤梨底，好搞笑！伴焦糖香蕉好似薯條，附西多士，配雪糕食，口感不錯。
雪糕港式奶醬吐司山($68)都好地道，似茶餐廳的奶醬多，金黃色的厚身多士十分香脆，加vanilla雪糕和鮮忌廉係新fusion菜，味道不錯！
好似係腸粉($58)，十分creative，用的紙、銀盤和竹簽，9成像真。原來係豆腐雪糕、椰汁腸粉和炸丸子，拌菠蘿和士多啤梨片。腸粉好滑呀，豆腐雪糕味濃。
除左港式fusion dessert，仲有日式紫薯窩夫($78)係我的最愛，用上大塊的木板上，伴有紫薯雪糕、fresh cream、blueberry和蜂蜜。
Waffle 鬆軟，內有紫薯，好好味，比坊間的有特色。紫色的Ice-cream 的紫薯味濃厚，一齊食就加倍滋味。
飲品用閃燈coaster上，好cyber。荔枝沙冰($38)啱晒女仔飲，沙冰上加了粉紅色的啫喱和小蝴蝶，非常美麗。
藍天之雲($40)係乳酸味加藍糖，幾好味，唔會係藥水味。
紫色的火之蝶($38)原來係荔枝味，仲有粒粒波波珠食。
醫生再見($38)名字好有趣，帶少少蘋果和菊花茶味，清清地。
Post
