Video
Read full review
2010-07-19
170 views
5月5日, 105週月快樂!~射一下波今日決定同呀菲去d平時唔會去嘅地方食野~ 做晒research決定沙爹牛肉西多士最吸引~ 好, 向我地慶祝第一餐出發!::: 沙爹牛肉西多士 ::: $19坐低唔駛諗, 為食佢而黎, 茶餐廳都搞fusion, 係咪真係咁好食? 黎到賣相同普通西多士無異, 但係煉奶就比較少, 可能要配合沙爹牛肉卦… 好心急, 一切開, 沙爹牛肉裹藏其中, 份量都唔少, 雖然係普通嘅沙爹醬撈牛肉, 不過都幾期待佢同西多配合出嘅味道~切開都原來不如想像中比例, 西多上下雖薄, 但係左右邊嘅麵包都幾厚, 好難夾埋沙爹牛肉一齊食~ 而味道亦不如想像中突出同配合. 牛肉質地其實幾夾西多, 但係衰在沙爹嗰度…味道分差得太遠, 食得甜味又食唔出沙爹味, 食多d沙爹牛肉變咗西多又冇咗個味. 而西多內部因為沾上太多沙爹汁而變得淋pat pat. 咬落冇咗西多香脆嘅口感. 呢個fusion創新但係夾埋一齊怪怪地…::: 雪菜肉絲炒米 ::: $38另外一個招牌菜, 比其他碟頭飯足足貴幾蚊~ 大大堆頭真唔錯, 2個人食都夠~ 用料豐富, 除咗雪菜肉絲外, 仲有椰菜, 蛋同餐肉, 淨係睇都
射一下波今日決定同呀菲去d平時唔會去嘅地方食野~ 做晒research決定沙爹牛肉西多士最吸引~ 好, 向我地慶祝第一餐出發!
::: 沙爹牛肉西多士 ::: $19
坐低唔駛諗, 為食佢而黎, 茶餐廳都搞fusion, 係咪真係咁好食? 黎到賣相同普通西多士無異, 但係煉奶就比較少, 可能要配合沙爹牛肉卦… 好心急, 一切開, 沙爹牛肉裹藏其中, 份量都唔少, 雖然係普通嘅沙爹醬撈牛肉, 不過都幾期待佢同西多配合出嘅味道~
切開都原來不如想像中比例, 西多上下雖薄, 但係左右邊嘅麵包都幾厚, 好難夾埋沙爹牛肉一齊食~ 而味道亦不如想像中突出同配合. 牛肉質地其實幾夾西多, 但係衰在沙爹嗰度…味道分差得太遠, 食得甜味又食唔出沙爹味, 食多d沙爹牛肉變咗西多又冇咗個味. 而西多內部因為沾上太多沙爹汁而變得淋pat pat. 咬落冇咗西多香脆嘅口感. 呢個fusion創新但係夾埋一齊怪怪地…
::: 雪菜肉絲炒米 ::: $38
另外一個招牌菜, 比其他碟頭飯足足貴幾蚊~ 大大堆頭真唔錯, 2個人食都夠~ 用料豐富, 除咗雪菜肉絲外, 仲有椰菜, 蛋同餐肉, 淨係睇都顏色豐富~ 雪菜唔霉, 肉絲少少鹹好吊味~ 特別竟然係餐肉好好味, 煎得香, 同炒米好夾~ 我地都要花上一段時間先清碟, 可想而知佢係幾大碟~ 不過呢碟野都幾多油, 對健康就唔係幾好.
::: 奶茶紅豆冰 ::: $16
又一fusion野, 本身覺得紅豆冰加奶茶應該會好飲過椰汁紅豆冰, 不過實情又真係怪怪地, 可能真係唔慣, 紅豆配茶個味道似食茶葉, 澀澀地~ 令到本身杯奶茶都唔夠甜, 又冇咗奶味, 紅豆都係配甜野好似椰汁或者雪糕先啱~
座落喺熟食中心嘅佢今日星其三 12點唔駛等位, 上菜速度都算快, 有部電視仔sell佢地d食物~ 試齊沙爹牛肉西多士同奶茶紅豆冰, 都好似期望過高, 可能真食唔慣~ 除非開喺旺區, 否則都唔會山長水遠特登來食…
Post
