Video
Read full review
2022-08-10
35 views
呢排成日都會去馬坑涌道一帶搵嘢食，有唔少隱世食店，例如呢間茶舍我就十分推薦！餐廳係長條形既，座位唔係太多，如果想食既朋友就要早啲嚟喇！入面都幾多精緻既裝飾，擺咗好多心思入去。我地兩個人嗌咗兩份午餐，第一個係呢度招牌既「香煎波士頓龍蝦湯海鮮扁意粉」（$138），一嚟到就嚇親：嘩，開邊龍蝦好大隻，個意粉份量都好足喎！食落湯底濃稠，十分足料，龍蝦味四溢。又貼心地畀埋隻鉗我地鉗蝦殼，可以方便啲食。龍蝦新鮮彈牙，浸咗一陣湯，吸咗湯底既味道就更好食。除咗龍蝦以外，湯入面仲有青口、蜆仔等海鮮，一啲都唔寡。呢個湯底除咗配龍蝦以外，仲可以配海鮮飯等等，相信都會十分惹味。另一個就叫咗「脆炸軟殼蟹芥末醬吐司」（$72），軟殼蟹成隻上，非常香脆，加埋又甜又香既芥末醬好開胃。吐司份量亦都好大，入面既生菜、蕃茄都好多，包保可以食飽。套餐可以跟沙律或者薯條，我地揀咗薯條，一上碟熱辣辣、脆卜卜，應該係啱啱炸起，格外好食。餐飲我地跟咗一杯熱奶茶、一杯凍奶茶，作為奶茶專家既我覺得都好唔錯，茶底都算香濃，做凍奶茶亦唔覺有奶精味道。整體嚟講，係舊區食到間咁高質素既餐廳都真係有啲驚喜，兩個人嚟食，一人一個餐肯定食得飽！值得推介
例如呢間茶舍我就十分推薦！
餐廳係長條形既，座位唔係太多，如果想食既朋友就要早啲嚟喇！入面都幾多精緻既裝飾，擺咗好多心思入去。
我地兩個人嗌咗兩份午餐，
第一個係呢度招牌既「香煎波士頓龍蝦湯海鮮扁意粉」（$138），
一嚟到就嚇親：嘩，開邊龍蝦好大隻，個意粉份量都好足喎！食落湯底濃稠，十分足料，龍蝦味四溢。
又貼心地畀埋隻鉗我地鉗蝦殼，可以方便啲食。
龍蝦新鮮彈牙，浸咗一陣湯，吸咗湯底既味道就更好食。除咗龍蝦以外，湯入面仲有青口、蜆仔等海鮮，一啲都唔寡。
呢個湯底除咗配龍蝦以外，仲可以配海鮮飯等等，相信都會十分惹味。另一個就叫咗「脆炸軟殼蟹芥末醬吐司」（$72），
軟殼蟹成隻上，非常香脆，加埋又甜又香既芥末醬好開胃。吐司份量亦都好大，入面既生菜、蕃茄都好多，包保可以食飽。
套餐可以跟沙律或者薯條，我地揀咗薯條，一上碟熱辣辣、脆卜卜，
應該係啱啱炸起，格外好食。
餐飲我地跟咗一杯熱奶茶、一杯凍奶茶，
作為奶茶專家既我覺得都好唔錯，茶底都算香濃，做凍奶茶亦唔覺有奶精味道。整體嚟講，係舊區食到間咁高質素既餐廳都真係有啲驚喜，
兩個人嚟食，一人一個餐肯定食得飽！值得推介！
Post
