台灣麵

Open Now

Now Closed

呢間「台灣麵」有好多分店，每次經過都幾多人，揀咗Tea time去試下。環境都幾大間，座位舒服。餐牌揀咗下午茶時段嚟食，但正價餐牌都唔算太貴，當然下午茶抵食好多！仲有多款港式食物。涼拌雞絲粉皮 $33 份量都幾多，雞絲冇雪藏味，整碟用上大量麻醬，好惹味開胃，必點！雙排雙格餐 $65 可以自選雙拼，揀咗台灣紅燒牛肉麵拼滷蛋豆腐肉燥麵。牛肉有兩大件，肉質正常，湯底唔算太鹹，至於肉燥麵就比較淡，整體正常。雞排飯 $38 下午茶餐好抵，份量都多，揀咗黑椒汁，雞排生炸得外層十分脆而內裡仍然保持嫩滑呢份$38嘅雞排飯性價比好高！芝麻奶茶 (跟餐) 估唔到成杯都係黑色，飲落芝麻味好出，但都飲到奶茶底，都幾特別。總括而言，一間茶餐廳做base，但主力sale台灣菜嘅餐廳，唔好以正宗台灣菜做標準，想Teatime平平哋食都ok。