Video
Read full review
2012-11-24
70 views
剪完頭髮，再返希慎，去誠品！有d口渴，梗係去天仁茗茶啦！黎咗咁多次都miss，得我一個人仲等咩，排隊咪排隊！唔係講笑，都真係幾多人，要排到出電梯。不過d員工都非常值得讚賞，又快手，排隊既時候又會比定個menu你睇，等你埋到cashier就叫，唔好阻住後面。我見到有個女人，只不過望吓櫃d茶葉，員工已經非常勤快的遞上一小杯比佢試。再望個員工，佢真係會用個timer time住沖茶既時間，非常認真！都幾快，只不過排咗十分鐘左右就到我，因為鮮奶綠同奶綠既分別在于鮮奶綠係用“十字牌鮮奶”沖而奶綠只不過用沖劑，當然要試“珍珠鮮奶綠”啦！由於今天轉涼，要咗杯熱既。o係HK，由於被大型珍珠奶茶鋪訓練多時，慣性會叫半糖或3分糖，今日就叫咗3分糖。講真，睇相睇唔出d咩 呵呵一飲，嗯，呢杯頂多叫“溫”，同“熱”有段距離。平時熱既珍珠奶茶，用吸管你會懷疑支管會唔會溶，天仁既“熱”係完全唔熱，唔知有無可能係呢個溫度先係最好飲既呢？唔知，但至少溫度我有d失望。再黎，天仁果然係過江龍，同其他港式珍珠奶茶店唔同，3分糖基本係得少少甜味，同台灣一樣，好淡，下次應該要叫半糖。雖然溫度有失望，但茶味真係好香，又由於得3分糖
有d口渴，梗係去天仁茗茶啦！黎咗咁多次都miss，得我一個人仲等咩，排隊咪排隊！
唔係講笑，都真係幾多人，要排到出電梯。
不過d員工都非常值得讚賞，又快手，排隊既時候又會比定個menu你睇，等你埋到cashier就叫，唔好阻住後面。我見到有個女人，只不過望吓櫃d茶葉，員工已經非常勤快的遞上一小杯比佢試。再望個員工，佢真係會用個timer time住沖茶既時間，非常認真！
都幾快，只不過排咗十分鐘左右就到我，因為鮮奶綠同奶綠既分別在于鮮奶綠係用“十字牌鮮奶”沖而奶綠只不過用沖劑，當然要試“珍珠鮮奶綠”啦！由於今天轉涼，要咗杯熱既。o係HK，由於被大型珍珠奶茶鋪訓練多時，慣性會叫半糖或3分糖，今日就叫咗3分糖。
講真，睇相睇唔出d咩 呵呵一飲，嗯，呢杯頂多叫“溫”，同“熱”有段距離。平時熱既珍珠奶茶，用吸管你會懷疑支管會唔會溶，天仁既“熱”係完全唔熱，唔知有無可能係呢個溫度先係最好飲既呢？唔知，但至少溫度我有d失望。
再黎，天仁果然係過江龍，同其他港式珍珠奶茶店唔同，3分糖基本係得少少甜味，同台灣一樣，好淡，下次應該要叫半糖。
雖然溫度有失望，但茶味真係好香，又由於得3分糖，茶味更為濃郁。Good！
重點係珍珠，老實講我覺得嘛嘛地，唔夠咬口，有d over咗；當然，有可能係因為我叫咗熱既，溫度差令到珍珠變軟。我其實有掙扎過要珍珠定香芋，看來我作了一個不太對的選擇。
以價錢來說，＄20一杯不算貴。
總括來說，雖然我杯野唔算勁好飲，但以我o係台灣飲過天仁既經驗黎講，可能我叫錯野先會咁。而且個茶底真係好香，無辜負《天仁茗茶》個名，都應該比返個笑臉！ 下次去會再試另一種flavor
除咗外賣飲品，仲有禮盒添架～ 送禮自用都應該唔錯，尤其如果你喜歡品茶的話～
Post
