摩登堂 (荃灣廣場) (Closed)

今日係荃灣shopping，朋友帶我搵食，原來有間咁高質既泰式餐廳！😜呢間「摩登堂」無論係門面定係餐廳環境都做得勁靚，同埋一反傳統竟然無放兩個泰國女人公仔係門口，入去到先知原來係食泰式野！🤯呢到既泰菜用左新既方式去呈現比大家，擺盤勁有心機，睇圖都見到全部都勁靚，好有心機，見到啲野食咁靚都已經令人食指大動 ☝️仙氣香芒青木瓜大蝦沙律🥗 一黎到啲乾冰飄起晒，勁打卡able，沙律亦唔似平時咁青BB，反而加左好多唔同食材添加色彩，令賣相更上一層樓😍炭燒豬頸肉外皮燒到好香脆，肉質軟身，食落好濃炭燒香味，配上泰式辣醬係無得輸😆曼谷醉貓炒金邊粉雖然我就唔知入面有無醉貓，淨係知金邊粉炒得一流😻炒既質地彈牙爽口唔會落得太重油變到一pad野咁，調味另好足夠，每一啖都勁香口，配上大蝦細蝦，真係食到笑哈哈😄陳奕迅既摩天輪幸唔幸福我就唔清楚，我淨係知我呢個小食拼盤摩天輪就令我好幸福啦😄事關佢每樣小食都岩晒我口味，特別係炸榴槤球，一咬落去成浸榴槤味出最晒黎，真係好正！😜