Video
Read full review
2021-07-25
37 views
主打招牌甜蝦湯底嘅一幻拉麵最近係荃灣開設新分店，新店除咗保留一貫嘅拉麵及小食外，仲新推出咗荃灣店限定口味拉麵‼️🍜荃灣店限定 - 黑蒜叉燒蝦湯拉麵（$78）追加：多蔥（+$10）湯底係拉麵嘅靈魂， 本身嘅蝦湯蝦味已經夠香甜濃郁，加埋黑蒜及黑蒜油，令湯底嘅香味更加有層次感，濃烈嘅香味已經令人流哂口水🤤麵條軟硬度適中，掛湯能力不錯，每啖都能連帶蝦湯入口， 大大加強咗整體嘅味覺刺激；溏心蛋係半熟流心，日式叉燒有經過火炙，肥瘦均衡而且肉嫩；另點咗多蔥，啲蔥真係多到睇唔到塊叉燒😆但口感清新得黎又可減低油膩感。🍜季節限定 - 蝦汁胡麻冷麵（$88）呢款季節限定嘅冷麵好啱酷熱嘅炎夏🥵配料有蘿蔔、蛋、紫菜、青瓜、叉燒切絲及中間紅色惹味嘅香辣甜蝦配沾滿胡麻醬嘅小虎蝦。醬汁由芝麻、蝦粉、蝦油、蒜蓉、及日本醬油調製，香氣撲鼻，而且蝦香與胡麻味平衡；小虎蝦口感彈牙，配合醬汁味道清新濃郁，消暑清涼令人食慾大增😋🥗香辣甜蝦椰菜沙律（$38）炸得香脆嘅蝦乾配鮮生椰菜絲，拌以泰式辣醬及蛋黃醬混合的醬汁，味道甜甜辣辣，灑在面的紅薑天婦羅口感亦幾特別，整體非常開胃好食。🥢醬油味筍（$15）筍係拉麵幾常出現嘅配菜/小食，食落
🍜荃灣店限定 - 黑蒜叉燒蝦湯拉麵（$78）
追加：多蔥（+$10）
湯底係拉麵嘅靈魂， 本身嘅蝦湯蝦味已經夠香甜濃郁，加埋黑蒜及黑蒜油，令湯底嘅香味更加有層次感，濃烈嘅香味已經令人流哂口水🤤麵條軟硬度適中，掛湯能力不錯，每啖都能連帶蝦湯入口， 大大加強咗整體嘅味覺刺激；溏心蛋係半熟流心，日式叉燒有經過火炙，肥瘦均衡而且肉嫩；另點咗多蔥，啲蔥真係多到睇唔到塊叉燒😆但口感清新得黎又可減低油膩感。
🍜季節限定 - 蝦汁胡麻冷麵（$88）
呢款季節限定嘅冷麵好啱酷熱嘅炎夏🥵配料有蘿蔔、蛋、紫菜、青瓜、叉燒切絲及中間紅色惹味嘅香辣甜蝦配沾滿胡麻醬嘅小虎蝦。醬汁由芝麻、蝦粉、蝦油、蒜蓉、及日本醬油調製，香氣撲鼻，而且蝦香與胡麻味平衡；小虎蝦口感彈牙，配合醬汁味道清新濃郁，消暑清涼令人食慾大增😋
🥗香辣甜蝦椰菜沙律（$38）
炸得香脆嘅蝦乾配鮮生椰菜絲，拌以泰式辣醬及蛋黃醬混合的醬汁，味道甜甜辣辣，灑在面的紅薑天婦羅口感亦幾特別，整體非常開胃好食。
🥢醬油味筍（$15）
筍係拉麵幾常出現嘅配菜/小食，食落爽脆有口感，而且帶日式醬油味， 即使單點進食都唔會覺得鹹，味道唔錯😋
.
🥢涼拌木耳（$15）
木耳同埋底部嘅青瓜都係爽脆帶酸，作為餐前小食非常適合，清新又開胃；餐後食亦可減低飽滯感。
Post
