麵道 (Closed)

今日去左荃灣新開既拉麵店，一去到見到成條龍勁多人等位，本來都唔係好想等但係媽咪又好想食拉麵，就陪佢排咗10幾分鍾，都幾快有位。一坐低就叫左兩個拉麵，拉麵仲可以配小食同埋飲品。分別叫左個叉燒糖心蛋醬油豚骨湯拉麵同雞叉燒雞白湯拉麵䈑筍夠新鮮！裏邊仲有一隻溏心蛋不過啲湯就有少少咸。胡麻蘆筍好特別，筍好新鮮，爽脆翠綠，唔會太腍，筍面淋上白色沙律汁，再灑上紅色㗎蟹子，筍切成小段，唔會太長，方便嘴嚼，蝶邊淋上另類帶酸味㗎沙律汁，引起食慾，最後我係一個人食晒整碟，好健康！牛肉野菜沙律，菜夠新鮮，牛肉細細嚿，鮮肉味配合新鮮蔬菜，好健康！最搞笑係有個新飲品，叫綠茶可樂，我之前都無飲過，一黎到淨係個樽都夠晒特別，飲落夠凍又好有氣，食完熱麵，飲落肚，好舒服，好正。叉燒豚肉拉麵，麵質有咬牙，湯料好足份量，有爽口木耳絲，大大粒㗎溫泉雞旦，配搭埋蔥粒，食落肚時，媽咩寫完話「好有滿足感」！