Video
Read full review
2024-12-26
433 views
又嚟介紹特色餐廳喇🥢！相信大家都會趁聖誕周圍去旅行✈️，泰國絕對係其中一個選擇🇹🇭。有得去玩嘅固然開心，但係暫時冇得去都唔使失望㗎🫡。就算留喺度都有正宗嘅泰國美食🤤。今次想介紹嘅係位於荃灣嘅一間泰式餐廳😋，呢間餐廳係多次有電視台上嚟拍飲食節目㗎❤️🔥，當中真係有好多款地道嘅泰國美食㗎，仲要抵食大件嘅😬。同埋就連廚師都係泰國人嚟的🫡。如果想知我今次食咩嘅，就一定要繼續睇落去啦～食物方面 ☝🏻#泰式生蝦（$128）首先介紹下泰式生蝦✨，真係去親食泰國嘢都必嗌！新鮮嘅生蝦搭配上特製嘅泰式酸辣汁，口感清新😋。醬汁入面有檸檬嘅清香同輕微嘅辣味，完美提升咗蝦肉嘅鮮甜！同埋生蝦嘅質感夠晒滑嫩😬，絕對係必試之選❤️🔥。#泰式軟殼蟹金柚沙律（$98）跟住要介紹嘅係泰式軟殼蟹金柚沙律，賣相嚟睇的確係幾吸引的🥗！新鮮嘅金柚果肉飽滿多汁，而軟殼蟹就炸得金黃酥脆🫶🏻，外脆內嫩😋。沙律加入咗特製嘅泰式醬汁，微酸微甜，完美中和咗兩者嘅配搭，食完都有啲意猶未盡✨。#串燒拼盤（$138）最後介紹嘅係餐廳嘅招牌串燒拼盤😋，鍾意食串燒嘅真係唔可以錯過！拼盤包括以下幾款串燒，每串都經過精心醃製的！📌雞肉串：肉質鮮嫩多汁，搭配甜
相信大家都會趁聖誕周圍去旅行✈️，泰國絕對係其中一個選擇🇹🇭。有得去玩嘅固然開心，但係暫時冇得去都唔使失望㗎🫡。就算留喺度都有正宗嘅泰國美食🤤。今次想介紹嘅係位於荃灣嘅一間泰式餐廳😋，呢間餐廳係多次有電視台上嚟拍飲食節目㗎❤️🔥，當中真係有好多款地道嘅泰國美食㗎，仲要抵食大件嘅😬。同埋就連廚師都係泰國人嚟的🫡。如果想知我今次食咩嘅，就一定要繼續睇落去啦～
食物方面 ☝🏻
#泰式生蝦（$128）
首先介紹下泰式生蝦✨，真係去親食泰國嘢都必嗌！新鮮嘅生蝦搭配上特製嘅泰式酸辣汁，口感清新😋。醬汁入面有檸檬嘅清香同輕微嘅辣味，完美提升咗蝦肉嘅鮮甜！同埋生蝦嘅質感夠晒滑嫩😬，絕對係必試之選❤️🔥。
#泰式軟殼蟹金柚沙律（$98）
跟住要介紹嘅係泰式軟殼蟹金柚沙律，賣相嚟睇的確係幾吸引的🥗！新鮮嘅金柚果肉飽滿多汁，而軟殼蟹就炸得金黃酥脆🫶🏻，外脆內嫩😋。沙律加入咗特製嘅泰式醬汁，微酸微甜，完美中和咗兩者嘅配搭，食完都有啲意猶未盡✨。
#串燒拼盤（$138）
最後介紹嘅係餐廳嘅招牌串燒拼盤😋，鍾意食串燒嘅真係唔可以錯過！拼盤包括以下幾款串燒，每串都經過精心醃製的！
📌雞肉串：肉質鮮嫩多汁，搭配甜辣醬，增添咗甜同微辣嘅口感😍。
📌牛肉串：牛肉有𠝹花，真材實料，配上咖哩醬，香濃美味🤩。
📌豬肉串：豬肉串肉質鮮滑，醬汁嘅配搭與豬肉嘅油脂相得益彰👍🏻。
📌雞翼串：外皮香脆，肉質嫩滑，雞全翼嘅份量好滿足🤤。
📌豬腩肉串：肥瘦相間，口感豐富，令人難以抗拒🙂↕️。
📌豬肉丸子：口感彈牙，配甜辣醬食效果一流！
📌牛肉丸子：肉質扎實，咬落去有濃郁肉香🫶🏻。
串燒拼盤絕對是聚餐的好選擇❤️🔥！
#士多啤梨活性乳酸菌屎樂冰($58)
飲品方面想介紹款清涼嘅沙冰，飲落去嘅口感好清爽🤩。士多啤梨嘅香甜味非常濃郁🍓，另外完全唔會有冰凍嘅刺口感🧊。每一啖都感受到士多啤梨嘅鮮甜，搭配益力多，唔單止好味，仲對腸胃有益✨。
📌聽講餐廳仲有好多招牌嘢食㗎😋，下次有機會順便試埋佢嘅咖哩、蒜蓉包同芒果糯米飯😚！
👉🏻另外需要加一服務費✅
Post
