Vision 8

餐前餐飽上枱時有三隻款嘅餐包，三隻都各有特色，配上黑松露牛油，非常之好味，連平時唔食餐包嘅男朋友都食清光❤️南瓜湯（餐湯）將新鮮南瓜肉打做好細好細嘅蓉，入口勁Fresh勁Creamy！好健康好推介！香煎蟹餅配沙律蟹餅細細舊，但係蟹肉10分足料！配搭住油醋汁沙律，果然係好好味嘅前菜！鮮菇蜆茄醬燴意大利粉意粉軟硬度岩岩好，蘑菇加蜆肉加茄醬煮得勁好味，啲汁醬勁掛麵，一啲都唔稀，非常之好味！非常欣賞呢度嘅咖啡，我叫咗杯凍焦糖咖啡，以往出去咖啡舖都成日好驚會好甜，因為個人好驚飲好甜嘅咖啡，我係怕甜怕到如果杯咖啡太甜，我會成杯直接唔飲。但係呢間舖嘅安排非常好，所有奶同糖都係另上，由客人自己去配搭，呢一點我真係10分欣賞👍👍👍烤美國極階級肩胛牛扒配芥末汁+$70我哋升級加咗個鵝肝😋😋作為鵝肝愛好者嘅我絕對唔可以錯過！整體感想，呢間餐廳環境都好有風味情調，估唔到荃灣舊區都會有咁有質素嘅餐廳，服務員姐姐服務態度都非常好，入嚟個感覺就好似食法國大餐咁，因為啲枱唔係好大，每一度餸都會等你食完一路咁上🤣完全冇一個好急促嘅感覺可以慢慢食。