田浦食肉

Open Now

Now Closed

近排呢間燒肉多咗分店又多咗人食，心郁郁都想試下，始終都好耐冇食過正宗嘅韓國燒肉。去到都幾多人食緊，成個氣氛都幾好，被安排到坐4人枱。我地2個人食，都唔太知應該點叫，驚叫餐又太多，散叫又好似幾貴。最後叫咗一個肉嘅set再加多一個煎餅同埋兩杯飲品。啲肉好快就到，店員會係你枱邊幫你燒，先燒咗泡菜，五花肉同豬皮。燒嘅時候好香，但啲油係非常彈，一定要坐開一個位。五花肉烤到焦香，烤嘅時候都逼咗好多油出黎，夾埋啲配菜同菜包住食完全冇油膩嘅感覺。豬皮帶少少甜味，滿滿骨膠原，好有咬口，平時唔食皮嘅我都停唔到口。食到差唔多就到烤牛排骨，原條骨燒再剪細塊。香牛味，夾住少少油脂，都係建議用菜包住食。另外再叫咗大蔥煎餅，佢比我平時食開扁身唔同，佢係厚厚的，似西班牙蛋餅。對比落雖然厚身呢個多料啲，但就唔會香脆，同埋食落都會粉一啲。