越男仔 (Closed)

我今日去左荃灣辦事，順道約同好友去位於荃灣大壩街75號地舖的越男仔食越南菜。環境舒適開揚，坐得舒服。我點左個蒜蓉牛油雞脾撈金邊粉$98，好友點左蔥油豬扒煎蛋白飯（＋$9雞扒）$68，另位好友點左三味（豬扒＋豬頸肉＋扎肉）黃薑飯$69，另加小食（米紙卷）$12，椰汁紅豆冰＋$5，凍龍眼蜜＋9，熱朱古力＋6，例湯是牛骨湯和清雞湯。牛油雞脾金黃色調，賣相不錯，雞肉嫩滑又好味；豬扒和雞扒都煎得外脆內嫩，好味道；三味的食材都香口好食，米紙卷好特色，飲品和例湯都好飲，我最喜愛紅豆冰椰香味濃。