李家 (海壩街)

Open Now

Now Closed

李家係荃灣嘅一間韓國餐廳，嚟到李家就一定要食佢嘅炸雞！今日我叫咗半隻甜辣炸雞同埋半隻蜂蜜大蒜炸雞。我就鍾意食有骨嘅炸雞，佢嘅雞肉真係好鮮嫩，外面嘅皮炸到好酥脆，但係肉質嫩滑而且多汁。食完一件就會接住第二件。李家嘅炸雞真係令人回味無窮，每一啖都好滿足。甜辣炸雞有一種辣辣甜甜嘅味道，好開胃。而蜂蜜大蒜炸雞則帶有蜜糖香氣同大蒜嘅濃郁味道，好特別。兩種口味都好好食，真係好難揀一個最愛。除咗炸雞，我仲叫咗韓式玫瑰炒年糕。佢嘅醬汁好濃郁，令人垂涎欲滴。份量亦都好足夠，夠幾位朋友一齊分享。年糕本身口感煙靭彈牙，同醬汁嘅結合真係好美味。食炸雞當然要配啤酒！我估唔到呢度仲有做緊買一送一嘅hoegaarden啤酒優惠。叫左白桃味同紅桑子味各一支，啤酒嘅清涼同埋果味，同炸雞一起食，真係好過癮。