馬六

Open Now

Now Closed

好掛住東南亞菜，同左大佬去食荃灣一間好多人排隊既東南亞餐廳食一個下午茶。餐廳超貼心，提早俾定濕紙巾同口罩袋，讚！👍🏻⦁海南雞喇沙摻摻 $53海南雞肉質超級嫩滑，喇沙湯底椰香味濃郁得黎，有少少辣，飲埋果湯底都唔會口乾。每次食親喇沙都一定會叫油麵配米粉，兩個麵底，吸既湯汁都有唔同，一款麵有兩種口感。 ⦁辣椒板麵配魚丸湯 $58板麵原來係一堆配料（肉碎、魚乾、花生等）排到好整齊，最中間仲有粒流心蛋。將所有材料撈勻，有種新年「撈起」既感覺。味道偏辣，麵質煙韌，另外魚丸湯完全可以解到辣。 ⦁鮮椰青（跟餐）$22大大個椰青，飲親都似去左東南亞，必嗌！ ⦁美祿哥斯拉（跟餐）$8美祿果味好濃，另外上面都鋪滿美祿波波球，兩種口感，好似細細個果陣早餐食既Cereal。 ⦁咖央多士（跟餐）$22兩塊方包都有烘過，超級香脆，每邊都塗了滿滿咖央，再夾上薄薄一層牛油。超級邪惡！ ⦁雞肉串燒（跟餐）$26兩串串燒，雞肉嫩滑，果串燒汁濃稠掛滿每串肉，味道偏濃。