Video
Read full review
2024-04-17
104 views
之前一直都好想試流水蝦🦐🦐任食，留意到原來荃灣大鴻輝都有一間，上網一睇，原來佢仲係全香港首間無限時，真係未去食都已經好興奮🤩我哋放咗工去食，放工時間真係建議一定要預訂，咁就唔使等好耐已經可以入座！個場地其實好大，一入到去就俾佢自助海鮮區吸引住，有好多唔同類型嘅海鮮，有帶子、扇貝、珍珠貝、魷魚、鮑魚同埋唔同嘅魚類，一定有一款啱你食🙆🏻♀️行到埋位，店員會好細心咁問你有冇食過，冇嘅話佢會慢慢介紹俾你聽應該點樣燒先啱，其中有個姐姐仲要非常好人咁整埋俾我哋睇點樣燒鮑魚💯 PS 依家每一位仲會送一串白鱔，味道非常好，同埋新鮮，一定要試吓🥰🥰之後就當然到全晚嘅主角流水蝦，一隻隻好生猛咁喺魚缸裏面，要成功夾到佢哋都真係需要一啲勇氣。店員會提你一定要擺落去冰水度凍暈哂佢哋先好拎去燒，如果唔係一定會跳到飛起😂😂其實除咗海鮮同埋流水蝦，自助區入邊都有唔同類型嘅肉類，例如雞軟骨，牛肉粒，金菇肥牛等等！一眾食肉獸見到都一定流晒口水🤤食完主食，咁當然係到甜品登場嘅時間。呢度甜品嚟講種類都算多。有阿波羅朱古力雲呢拿味道，亦都有香印提子雪條。最驚喜就係佢有豆腐味嘅雪糕，出面都真係幾難搵！😋整體覺得成間餐廳嘅安排都好
我哋放咗工去食，放工時間真係建議一定要預訂，咁就唔使等好耐已經可以入座！
個場地其實好大，一入到去就俾佢自助海鮮區吸引住，有好多唔同類型嘅海鮮，有帶子、扇貝、珍珠貝、魷魚、鮑魚同埋唔同嘅魚類，一定有一款啱你食🙆🏻♀️
行到埋位，店員會好細心咁問你有冇食過，冇嘅話佢會慢慢介紹俾你聽應該點樣燒先啱，其中有個姐姐仲要非常好人咁整埋俾我哋睇點樣燒鮑魚💯 PS 依家每一位仲會送一串白鱔，味道非常好，同埋新鮮，一定要試吓🥰🥰
之後就當然到全晚嘅主角流水蝦，一隻隻好生猛咁喺魚缸裏面，要成功夾到佢哋都真係需要一啲勇氣。店員會提你一定要擺落去冰水度凍暈哂佢哋先好拎去燒，如果唔係一定會跳到飛起😂😂
其實除咗海鮮同埋流水蝦，自助區入邊都有唔同類型嘅肉類，例如雞軟骨，牛肉粒，金菇肥牛等等！一眾食肉獸見到都一定流晒口水🤤
食完主食，咁當然係到甜品登場嘅時間。呢度甜品嚟講種類都算多。有阿波羅朱古力雲呢拿味道，亦都有香印提子雪條。最驚喜就係佢有豆腐味嘅雪糕，出面都真係幾難搵！😋
整體覺得成間餐廳嘅安排都好唔錯，抽風又非常好，差不多成場滿人都唔覺得煙霧彌漫同埋一大陣油煙味。店員亦都好細心咁解釋同埋教你點樣去燒。而且無論海鮮定係其他食物，refill嘅速度都係超級快，完全唔需要擔心俾人夾哂冇得食👍🏻👍🏻
Post
