鼎家喜筷 (Closed)

平時經過鼎家喜筷出面都主要見到佢主打燒味同埋一啲小菜，原來最近出咗任食雞煲😂 雖然配料另外加錢，但係價錢唔太貴，今次除咗食個雞煲都另外再加左丸類、一款海鮮同嘢飲。😆呢款任食雞煲，有三個辣都可以選擇，平時唔多鍾意挑戰食辣嘅我，今次揀咗BB辣😆 少少辣到可以保留返食雞煲嘅精髓，入口食到麻辣味而且雞件本身有預先醃過，食到好入味仲好滑，其中一個原因應該係店員會幫手計時，提示雞件可以幾時食得，一定唔會過老👍🏻👍🏻 另外加嘅火鍋配料雖然唔係好多，但係食得出唔係出邊凍肉舖嗰種丸類，另外叫咗珊瑚蚌食落都鮮甜，最後加咗兩個出前一丁埋尾☺️完全吸收晒啲汁，本身雞煲會跟一籃蔬菜，中和返個油膩感😆食雞煲熱怕熱氣於是加咗個嘢飲，係一榨菊花薏米水，清熱得嚟仲可以去水腫🥹