Chef's Stage Kitchen (愉景新城) (Closed)

好耐冇去過愉景新城，記得以前呢一度有一條美食街，全部都係food court，之後有一段時間成個愉景新城大裝修，成個food court冇咗。我傷心左好耐....好耐冇嚟過，完全唔知道愉景新城大裝修之後係咩樣。咁岩有個朋友約我過嚟行街食嘢，行行下街見到呢一間餐廳竟然有張吧枱，又有音樂聽，現場環境氣氛唔錯，加埋裝修都幾靚好relax ,於是我哋就入咗去食飯。呢一間餐廳好多嘢食揀，相比起好多同類型餐廳優勝，尤其係荃灣區來講。因為荃灣區來講生蠔既餐廳唔算好多選擇。平時甚少食餐包嘅我，因為佢既醬而吸引到，酸甜的幾開胃今日嘅湯係甘筍忌廉湯，飲完唔會好膩生蠔總共有四隻款，由相片中嘅右手邊開始至左手邊，係由淡至濃。每一隻生蠔各有特色，由最淡嗰隻開始講起，係最爽脆同埋鮮味，然後第二隻比較甜啲，第三隻開始比較鹹，但係咬咬下會食到生蠔嘅鮮甜同埋仍然係爽口，最後一隻係比較肥美。我個人就好鍾意第三隻，好鍾意海水味重嘅生蠔。呢度嘅生蠔仲有一樣最好嘅嘢，就係佢會幫你將帶子嘅位起埋，方便你食。呢一樣野真係唔係度度都可以做到。凱撒沙律，菜好新鮮，完全唔會見到爛嘅菜，仲有脆脆的煙肉，好夾蒜香白酒海鑽蜆扁意粉，一上枱就聞