BnR (Closed)

普遍嘅米線店都係好傳統嘅裝修，但係呢間米線裝修得好似Cafe，坐得好舒服之餘仲可以打卡☺️炸芫荽牛肉波:牛肉波比想像中大粒，炸到外皮金黃酥脆，咬落去好Juicy，每一啖都帶黎滿滿既肉汁。牛肉味道好濃郁同時帶有淡淡嘅芫荽香味，相得益彰。五指毛桃花膠雞米線：見到呢個湯底好特別，五指毛桃可以去濕😆好適合而家咁潮濕嘅天氣所以就叫咗😆同時估唔到湯頭鮮美清甜 配米線掛到多啲湯 好好食。雞肉大大件😌鮮嫩多汁。而花膠都好足料，一碗有兩塊❤️好養顏。藥膳雞淮山麵：藥材味道唔會太濃，藥材香氣融入湯中，而且湯頭熬煮得非常入味。雞肉份量足夠、鮮嫩多汁，淮山麵條的口感比米線更硬，另有一番風味