Video
Read full review
2021-09-13
19 views
疫情持續清零，餐飲業已經回復正常，計一計，原來都好耐無去酒吧了。心念一動，就搵咗個friend 落去酒吧輕鬆下。呢間酒吧位於荃灣區的鱟地坊，裡面好大的，因為佢係佔咗兩個大舖位，是荃灣區極少有的，所以坐喺裡面，一啲都唔侷促，仲好舒服，一邊聽歌，一邊飲嘢，好enjoy 的。除咗飲嘢，呢度啲嘢食都好唔錯，多選擇之餘，仲好高質素。呢杯叫做 Mr. Hankey, 主要成份係 Brandy, Aperol, Lemon Juice等等，飲落幾易入喉，最特別係啲蛋白泡泡，好香滑。而呢杯就叫做 Paradise, 主要成份係Martini Rosso, Dark Rum 等等，最初飲落就有少少苦味，但係就覺得好醒神。Happy Hour 時段，每杯都係 $78，好抵飲!頭盤叫咗個西班牙白蘆筍田園沙律，好大碟的。裡面有羽衣甘藍、紅菜頭，青瓜、車厘茄、栗米粒、藜麥，同埋較少吃到的白蘆荀，呢個配搭很不錯，食落感到很清爽，很健康。另外叫咗個明太子帶子意粉。個汁好好味，意粉完全掛滿晒啲汁，超正!最重要呢就係啲明太子，咬落卜卜脆，鹹鹹香香的，好正!仲叫咗個德國豬手。好窩心，佢係切好咗先上碟的!絕對方便我哋呢啲懶
呢間酒吧位於荃灣區的鱟地坊，裡面好大的，因為佢係佔咗兩個大舖位，是荃灣區極少有的，所以坐喺裡面，一啲都唔侷促，仲好舒服，一邊聽歌，一邊飲嘢，好enjoy 的。
除咗飲嘢，呢度啲嘢食都好唔錯，多選擇之餘，仲好高質素。
呢杯叫做 Mr. Hankey, 主要成份係 Brandy, Aperol, Lemon Juice等等，飲落幾易入喉，最特別係啲蛋白泡泡，好香滑。
而呢杯就叫做 Paradise, 主要成份係Martini Rosso, Dark Rum 等等，最初飲落就有少少苦味，但係就覺得好醒神。
Happy Hour 時段，每杯都係 $78，好抵飲!
頭盤叫咗個西班牙白蘆筍田園沙律，好大碟的。裡面有羽衣甘藍、紅菜頭，青瓜、車厘茄、栗米粒、藜麥，同埋較少吃到的白蘆荀，呢個配搭很不錯，食落感到很清爽，很健康。
另外叫咗個明太子帶子意粉。個汁好好味，意粉完全掛滿晒啲汁，超正!
最重要呢就係啲明太子，咬落卜卜脆，鹹鹹香香的，好正!
仲叫咗個德國豬手。好窩心，佢係切好咗先上碟的!
絕對方便我哋呢啲懶人。味道夠入味，外皮好脆口，配上特別的醬汁來食，真係無得頂。食埋伴碟的青瓜，油膩感都可以去除埋添!
Post
