泰Grill (享和街)

簡單裝修，牆上掛上色彩繽紛既油畫，加上柔和燈光既吊燈，店內播著粵語流行曲，餐廳座位不多，座位都算闊落，坐得舒服，上菜時間快。有提供午巿套餐，主食跟餐飲，$58-$78不等，另可轉配特飲或優惠價加配小食。 沙嗲串燒炒飯 $75 + 粒粒波蘿梳打 $15豬牛雞串燒各一串，串燒肉淋，微辣，帶有香茅味，配上香濃既沙嗲汁。炒飯微微濕潤，醬油味香，加上少少蛋香味，配料豆角爽口，豐富口感。忌廉梳打加入菠蘿汁同菠蘿粒粒，飲落香甜有咬口。 原條泰式菠蘿海鮮沙飯 $98原條菠蘿已切塊，炒飯金黃色，米飯粒粒分明，配料多，有超多菠蘿、青豆、紅蘿蔔、粟米粒、腰果、肉鬆、雞柳，雞柳有咸香味，但唔見有海鮮😅 炸蝦餅 $78一碟6粒，彈牙既蝦膠沾滿麵包糠，炸得超脆 菠蘿沙冰 $48超香菠蘿味，好消暑解渴 椰汁糕 $28擺盤精美，層次分明，超爽口，椰子味好香濃