巴巴站

Open Now

Now Closed

今次搵食搵到荃灣路德圍，行左一圈決定食下冷門d又唔算等太耐位既印度咖哩。鋪仔細細但咖哩選擇有成8款，除左傳統同招牌仲有橙、青、白、紅、啡、黑咖哩。每種咖哩再有唔同配搭，例如牛、雞、羊等等…Tondoori chicken $98 4件印式香料醃製既雞件，入口酸酸辣辣咁，幾開胃，重點係啖啖肉，骨都唔洗lun下。Masala chicken $88雞唔算太大份，會有個底座烘住d咖哩，等咖哩保持暖暖地，醬汁惹味，一定要配埋烤餅食。紅咖哩牛 $98 除左試雞，都叫左牛試下，呢個比masala咖哩辣些小（是乎個人口味），牛都大件，似係牛腩位置，不過肉就唔算太淋。Garlic Naan $24叫得咖哩唔可以唔配燒餅，點左呢款本身有蒜味既naan，因為鍾意厚身啲既燒餅，一份4片，配埋咖哩汁真係冇得輸。