泰Grill (享和街)

荃灣新開左間泰國野，都幾有人氣，建議大家可以預先book台!炸蝦餅經常食泰國野都會叫既小食，欣賞呢到係熱辣辣上台，炸到好脆口，食落好惹味。飛天通菜個份量多到有D驚人! 好大碟! 辣度可以選擇少辣，岩曬唔太食得辣既我。呢到溝左面豉去炒，幾香口，又幾好食。通菜唔會炒到淋曬，食落口仲係爽身。香葉肉碎煎蛋飯肉碎份量好多，香菜味突出，撈飯食一流。仲有個精髓燶邊蛋，一吉落去，即刻有流心蛋黃，好正。芒果糯米飯芒果好甜，有齊黑白糯米飯，配埋甜甜地既椰漿，係一個好滿足既甜品。凍泰式奶茶最有驚喜係呢到有得去冰，岩曬女士! 而且仲可以根據個人口味落單，多奶少奶又得。最後出到黎係我好鐘意既口味!泰式檸檬冰綠茶第一次飲呢款，係其他餐廳都好少見。飲落好清新，幾岩夏天。