Video
Read full review
2024-01-13
54 views
香港人一向好鐘意食日本菜🇯🇵，今次我地就去咗荃灣荃新天地二期嘅一門町市場🏪，一入到呢個市場感覺好日本風⛩️，有十多間餐飲及娛樂商店，係籌備咗兩年嘅美食街並於2023年底開幕，於是我地就係入面揀咗食天婦羅🍤專門店—花色天丼，餐廳主要以簡潔嘅日式木系裝修為主😍，白色為主調配上柔和嘅燈光令人感到十分整潔舒適☺️，仔細睇仲有紙燈掛住係店中心，座位之間都相當寬敞，坐得舒服👍🏻-花色天丼🍤 (虎蝦2隻, 鱚魚, 栗米芯, 蓮藕, 流心蛋) - HKD 108見到花色天丼🍤係用店鋪名嚟命名，應該係主打丼飯之一，於是就叫咗一碗😆，點餐時以為只係得丼飯，但上菜後發現原來有齊湯及沙律，相當有誠😄，首先試嘅緊係兩條大大條嘅虎蝦先😋，食落肉質好彈牙，而且外層炸粉唔厚👍🏻，酥脆得嚟又唔會有油膩嘅口感，栗米芯🌽同蓮藕炸完都仲係好清甜爽口，正🤤，最得意係佢嘅流心蛋天婦羅🥚，之前都從未試過依個新奇組合，一啖食落口先有天婦羅嘅酥脆口感，之後就係流心蛋係口腔爆開嘅味道，相當過癮😆，而且蛋汁撈埋日本珍珠米🍚更香口，令人唔經唔覺就好快食哂啲飯，抵讚😙-鳥天丼🐤 (雞肉4件, 栗米芯, 茄子, 蓮藕, 流心蛋) - HKD 108
-
花色天丼🍤 (虎蝦2隻, 鱚魚, 栗米芯, 蓮藕, 流心蛋) - HKD 108
見到花色天丼🍤係用店鋪名嚟命名，應該係主打丼飯之一，於是就叫咗一碗😆，點餐時以為只係得丼飯，但上菜後發現原來有齊湯及沙律，相當有誠😄，首先試嘅緊係兩條大大條嘅虎蝦先😋，食落肉質好彈牙，而且外層炸粉唔厚👍🏻，酥脆得嚟又唔會有油膩嘅口感，栗米芯🌽同蓮藕炸完都仲係好清甜爽口，正🤤，最得意係佢嘅流心蛋天婦羅🥚，之前都從未試過依個新奇組合，一啖食落口先有天婦羅嘅酥脆口感，之後就係流心蛋係口腔爆開嘅味道，相當過癮😆，而且蛋汁撈埋日本珍珠米🍚更香口，令人唔經唔覺就好快食哂啲飯，抵讚😙
-
鳥天丼🐤 (雞肉4件, 栗米芯, 茄子, 蓮藕, 流心蛋) - HKD 108
之後就叫咗個雞肉丼🐤試下，一上菜就見到4舊雞肉，份量十足好吸引😋，食落口新鮮熱辣辣，口感爽脆, 而且炸粉唔厚，食完都唔會令人有好重嘅油膩感係口腔，而且雞肉大件得嚟又好嫩滑，味道比起其他炸雞專門店更有水準呀🙈，茄子食落口都幾有水份，好清新🤪，唔會炸得太乾，而流心蛋配雞肉飯更有畫龍點晴嘅感覺，令人愈食愈滿足呀🥰
-
南瓜🎃（2件） - HKD 15
嚟得天婦羅專門店都仲想食多少少天婦羅😆，就叫多左份南瓜🎃食下～ 食落口感爽脆，味道清甜，天婦羅表面乾身得嚟又唔會油膩，有水準👍🏻
-
係香港一向都係拉麵店🍜同壽司店🍣居多，比較難搵到天婦羅🍤嘅專門店，今次依間花色天丼嘅天婦羅🍤整體都好出色😋，賣相精緻得嚟食材又幾新鮮，而且食物份量多，重點係價錢唔會太貴，CP值相當高～店員都幾有禮貌，會主動斟茶及簡單講解下丼飯嘅食材👍🏻，店鋪佈置又幾用心，如果大家口痕想食下天婦羅就唔好錯過依間餐廳啦😍
Post