Video
Read full review
2021-04-28
2739 views
今日興起想去食啲上海野，就諗起呢間好多人排隊嘅餐廳。今日收工就去拎位，坐低無耐個場就坐滿左人。佢有個茶杯俾你沖茶，而啲茶葉都係獨立包裝嘅，好衞生。我哋揀左一個主食，就係韭黃肉絲粗炒。呢碟粗炒上枱都好大份，茅菜特別多，而個粗炒都好夠鑊氣之外調味都好夠。另外我要左一份酸辣湯，入面都好足料，有幾隻蝦同唔同配料。我哋都有叫左幾款點心，有蒸嘅上湯小籠包。個小籠包個皮夠厚身，唔會漏汁，入面舊肉仲好好食。而煎炸嘅就有迷你胡椒餅，炸銀絲卷同生煎鍋貼。呢啲煎炸嘅點心都好唔錯，夠新鮮熱辣，份量都唔少，胡椒餅啲肉碎好好食，銀絲卷配煉奶好正，鍋貼個底煎得好脆。最後仲有一個特別啲嘅芝士粟米肉鬆烤卷，佢好似台灣蛋餅咁包住啲料，有四大塊，口感幾特別，都估唔到係上海菜館食到。埋單一個人唔駛百六蚊，坐得又舒服，有機會要嚟試下！
我哋揀左一個主食，就係韭黃肉絲粗炒。呢碟粗炒上枱都好大份，茅菜特別多，而個粗炒都好夠鑊氣之外調味都好夠。另外我要左一份酸辣湯，入面都好足料，有幾隻蝦同唔同配料。我哋都有叫左幾款點心，有蒸嘅上湯小籠包。個小籠包個皮夠厚身，唔會漏汁，入面舊肉仲好好食。而煎炸嘅就有迷你胡椒餅，炸銀絲卷同生煎鍋貼。呢啲煎炸嘅點心都好唔錯，夠新鮮熱辣，份量都唔少，胡椒餅啲肉碎好好食，銀絲卷配煉奶好正，鍋貼個底煎得好脆。最後仲有一個特別啲嘅芝士粟米肉鬆烤卷，佢好似台灣蛋餅咁包住啲料，有四大塊，口感幾特別，都估唔到係上海菜館食到。埋單一個人唔駛百六蚊，坐得又舒服，有機會要嚟試下！
Post
