Hygge (Closed)

Hygge呢日同朋友黎到荃灣行下街，去到夜晚黎到Hygge食，呢間望落個裝修非常時尚舒適，又見到坐滿了人，相信應該好好食好吸引。首先，個餐包配既牛油幾特別，有少少香草味、檸檬味，相信係特別調制的。跟著個南瓜甘旬湯都好濃郁，充滿南瓜質感。之後上既藍鰭吞拿魚他他紅菜頭牛油果沙律就非常吸晴，好適合打卡，個配搭都非常新鮮清新。主菜就叫左個蒜香辣椒紅蝦意粉鴨脾肉蘑菇意大利飯個紅蝦煮得入味鮮甜，配以濃濃既蒜香味真係極為開胃；鴨脾肉則嫩滑多汁，同個蘑菇意大利飯相結合恰到好處。呢間餐廳有好多自創有新意既菜式，從每道菜裏面可以見到廚師對每種食材既特性掌握得非常好，性價比又高，值得推介。