樓下冰室 (Closed)

一個人最鍾意就係去餐廳同啲冰室食，一來方便搵位，二來上菜好快。每次諗親食咩，都會即時諗到黎樓下冰室，一來本身好鍾意食蕃茄，二來真係好抵食。次次黎親都好多人排隊入座，都要喺門口等一陣，就算唔係排隊入座，都好多人叫外賣，皆因佢嘅嘢食平、靚、正。每次黎親都叫呢個$50嘅蕃茄湯螺絲粉配瑞士汁雞翼，番茄湯底超濃，再加埋湯底入邊有蕃茄肉，食落好有口感，瑞士汁雞翼勁入味，因為瑞士汁嘅關係，鹹中大有少少甜，真係好好味。一個人嘅關係唔食得太多，如果同埋朋友一齊嚟嘅話可以share瑞士汁雞翼同瑞士汁雞脾。